Baenzlai vunz youq gwnz raiq gip gyapsae.

Boh ha, vunzlai cungj gyaez gyapsae, cungj naeuz gyapsae ndeiyawj, dwg lwi?

——Wgo, mbouj miz bouxlawz naeuz gyapsae mbouj ndeiyawj nauq.

Boh ha, gyapsae gwnz raiq cungj dai liux, cungj dwg gij sae’gyap dai bae liux ce gyap roengzdaeuj, dwg lwi?

——Wgo, gij mingh dijbauj gyoengqde senq dai gvaq lwgo.

Boh ha, doenghgij gyapsae neix, gyoengqde lij baenz duzsae lix seizde, goj ndeiyawj baenzneix, dwg lwi?

——Wgo, goj ndeiyawj baenzneix go.

Hoeng, boh ha, vihmaz vunzlai cungj mbouj naeuz duzsae lix ndeiyawj, caj daengz gyoengqde dai liux, cij gyaez gyap gyoengqde, haenh gyapsae ndeiyawj ne?

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwgfwngzmeh/卢奋长 hoiz）