7 nyied 23 hauh, Sanhgyangh Dungcuz Swciyen Linzhih Cin Bazcai Gingjgih angq coux gyoengq hekyouz rog gih raeuz, vihneix vunz dangdieg guh haujlai yiengh cezmuz ndei- yawj——baudaengz diuq foux aenvenz Dungcuz、haujlai vunz caemh yienj dazmae、gwn ngaizdonq daizraez、dohyeh daengj, yaekyinx hekyouz guhdoih guh hozdung, caemh daejniemh gij fungsug Dungcuz lai cungj lai yiengh. Geij bi neix, aen yienh neix guh hozdung baenzroix“ngoenzngoenz biujyienj、coucou guh- donq、ndwenndwen gvaq ciet”, neix ndaej hawj gij vwnzva miz daegsaek Dungcuz baengh lijyouz ndaej cienz lai.

（Gungh Bujgangh）