●7 nyied 23 hauh, Fuzsuih Yen banh aenban cienmonz sonhag《Aen Banhfap Guh Hongsaeh Cunghgyau Gvangjsih Bouxcuengh Swcigih》, cingj bouxsughangz ndaw Cungzcoj Si Minzcunghveij daeuj hwnjdangz, daengx yienh gungh miz 600 lai boux gohgiz ganbu camgya.

（Luz Lizmingz）

●7 nyied 24 hauh banhaet, gih raeuz bineix cunghgauj hainduj lo（gauj sam ngoenz）. Nanzningz Si gungh miz 91553 boux hagseng cosam nienzgaep youq 15 aen gaujgih 168 giz gaujdenj 3128 aen gaujciengz camgya gaujsi.

（Yiz Sienghcenz）

●7 nyied 22 hauh, Sihlinz Yen hai aen daihhoih ciuheuh vunzlai cauhguh aen yienh guhyiengh minzcuz doxgiet baenaj daengx gih, heuh vunzlai daengx yienh caiq gyonjrengz、doengzcaez haenqguh、guhdoih doinyoengx, bauj ciuq dajsuenq guhbaenz moegbiu. Baez hoih neix youq gwnz densi denva hai, ndaw yienh gak baih gungh miz 110 vunz camgya.

（Veiz Meijsui）

●Bineix doxdaeuj, Vanz- gyangh Mauznanzcuz Swciyen roengz rengz hung hwngfat canjnieb ndaem gosangh ciengx nonsei. Suenq daengz 6 nyied sat, aen yienh neix gungh miz 19.8669 fanh moux dieg ndaem gosangh, ndawde miz 0.30935 fanh moux dieg moq, daengx yienh boux ciengx nonsei gyonjsuenq ciengx gvaq 43.3742 fanh mbaw, sou ndaej 1.45308 fanh dun reh.

（Hoz Suilingz）

●Bineix, dwg bi Gungh- cwngz Yauzcuz Swciyen laeb yienh ndaej 30 hopbi, aen yienh neix haenqrengz guh aen hoz- dung ndwen byonghyat baenaj heuhguh“okrengz hoh yienh laebbaenz 30 hopbi·gou roengz lajmbanj bae banggungz”, ndaw yienh neix Yinzda Cangjveijvei caeuq gihgvanh youq duenh neix lai guh ndei hong banggungz. Suenq daengz 6 nyied sat, gungh sonlienh bouxbangzfuz 35 vunz- baez、boux ranzgungzhoj 66 vunzbaez、guh baenz saeh 126 gienh.

（Cwng Ciminj）