Geij ngoenz gonq, Swcigih Gyauyuz Dingh、Yinzliz Swhyenz Sevei Baujcang Dingh、Caizcwng Dingh caeuq Swcigih Benhban dox- gap ok aen dajsuenq gih raeuz dingh dieg gungganq 159 boux lauxsae son siujhag Cuengh Gun song saw vah, bineix dajsuenq dingh youq Nanz- ningz Si Cinghsiu Gih daengj 21 aen yienh（si、gih） souaeu 159 boux hagseng swhfan conhgoh——ceiq daemq aeu doeg gauhcungh sat bae、youz guekgya(goenggya) okcienz gungganq.

Ciuq cam rox, aen dajsuenq dingh dieg gungganq neix dingh ndei youz Nanzningz Swhfan Dayoz、Gvangjsih Minzcuz Swhfan Yozyen dawzhwnj diuzrap gungganq; youz aen ciennieb son’gyauq siujhag（Cuengh Gun song saw vah）hag sam bi nanz de souaeu caemhcaiq gungganq; souaeu doenghboux hagseng buj- dungh gauhcungh bizyez caemhcaiq camgya bi neix gauhgauj、rox gangj Vahcuengh、gauhgauj gauj ndaej hwnj gauhciz gauhconh doxhwnj.

（Maj Veiyungz）