Gwn sat haeuxcaeuz le, mwh go sij cozyez, goengda sij cih Sawgun “庹” ndeu, gou caeuq daxmeh cungj mbouj rox.

Gou hai bonj swdenj, ndawsim gag naemj: Cih saw neix caengz raen gvaq, mbouj ndaej yungh gyoepyaem daeuj caz. Yienghneix gou biengj daengz yieb biuj busouj caz cih, caz aen’gyaeuj cih “广”, youq 45 yieb, gou geq miz 11 veh, hoeng gou ra haujlai nanz hix ra mbouj raen. Gou sawqmwh siengj daengz daxmeh gaxgonq caeuq gou gangj gvaq “caz busouj gonq, caiq caz cawz busouj le linghvaih geij veh”. Ciuq fuengfap deng bae caz, gou youq ndaw roek daengz bet veh ra daengz cih saw neix lo, biengj daengz 508 yieb, laxlawz cih saw neix doeg “tuǒ” (gyoepyaem Sawgun). Gou caz daengz le, gipmuengz lwnh goengda. Goengda naeuz:“Neix dwg aen singq boux- sinhvwnzfazyenzyinz dangj cibgouj daih.”

Ngoenzneix, gou hag ndaej cih saw moq ndeu, gou angq lai lo.

(ngeih nienzgaep Yenz Yizhauz)