Gou rox mwngz gyaez geij naed lwglimz neix dangqmaz.

Aenvih mwngz sij mbouj ndaej baen gou saek naed nauq;

Aenvih mwngz ciengzseiz haenh gyoengqde gyaeundei, dwk youq ndaw habgingq gyaeundei de hawj vunz yawj.

Mwngz laihnaeuz gyoengqde yiengh- neix couh angqfaengz lai ma? Beixmbauq ha, gyoengqde haemz mwngz dahraix go.

Aenvih gyoengqde youq ndaw hab lumjbaenz dai bae nei.

Aenvih gyoengqde naednaed cungj siengj maj baenz go faex ndeu.

Vanq gyoengqde youq gwnz ndoibya bae vei, beixmbauq ha.

Hawj gyoengqde maj baenz faexlwg bae vei, youq gyang nditndat maj baenz faexlimz sangsang bae, mbawfaex heuswd- swd venj gwnz faex.

Hawj gyoengqde dingq gyoengq duzroeg youq laj raemhfaex guhfwen vei.

Hawj gogo faex cungj miz haujlai haujlai lwglimz vei, vunzlai cungj gyaez de maij de.

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwgfwngzmeh/卢奋长 hoiz）