●Mboengqneix, Gunghcwngz Yauzcuz Swciyen doicaenh cwngfaz gangingj “seiq dungjyiz sam iugouz haj liujgaij ” haeuj mbanj haeuj ranz hozdung, haeuj ndaw vunzlai rox minzeiq, senhconz bujgiz faplwd cihsiz, gvansim vunzlai, gaijgez saedsaeh nanzhoj, coicaenh cwngfaz duivuj caepfap habhoz, laebhwnj yienghsiengq ndei.

(Cwng Ciminj)

●Lozcwngz Mulaujcuz Swciyen haenqrengz cauhmoq, dawz goeng- rengz daengx yienh haenqrengz hoenx ndei ciengz ciengq duetgungz gunggeng. Ginggvaq seiq bi lienz- daemh gunggeng, daengx yienh miz 8.2 fanh boux gungzhoj duetgungz、 63 aen mbanj gungzhoj ok doih, aen beijlwd bienq gungzhoj gyangq daengz 2.21%.

(Mungz Cwnghswh)

●Mboengqneix, Denzlinz Yen Yihliuz Baujcang Giz bae Betdoh Yauzcuz Yangh guh hong senhconz camgya singz mbanj vunzyouq gihbwnj yihliuz baujyiemj cwngcwz. Gangjlwnh gij ndeicawq gvendaengz camgya baujyiemj, hawj vunzlai engq rox yihbauj cwngcwz, gyagiengz ginzcung camgya baujyiemj yisiz.

(Yungz Denhcinh)

●Geij ngoenz neix daeuj, Guekgya Suivu Cungjgiz Lungzswng Gak Cuz Swciyen Suivugiz laeb aen“suisenh fugsaeh dui”, bae daengz hagdangz caeuq giyez guh suisouh senhconz hozdung, gaenxmaenx doicaenh gak hangh suisouh gaijgwz、 daezsang ginghci caetliengh, cauh ok senhconz fwnhveiz ndei.

(Vuz Swnghbinh)