Mboengqneix, Binhyangz Yen Swhlungj Cin Dungjyiz Cansen youq Yenveij Dungjcanbu dazyinx caeuq haeujcoengh baihlaj, cujciz cin sanghvei、 yienh singhyij conzmeiz gunghswh、 Swhlungj Cin vanyin bwnjcauj cunghyoz yinjbencangj guh gij hozdung bang rengz gai canjbinj fuzbinz canjnieb, gaenx- maenx vih mbanj gungzhoj vunzlai baiz you gej nanz.

Bineix doxdaeuj, aenvih deng binghraq feiyenz yingjyangj, Swh- lungj Cin dingzlai ranz gungzhoj swnghcanj caeuq saedceij hix deng yingjyangj youqgaenj, cauhbaenz ranz gungzhoj gij huqdoj gag ndaem gag ciengx mbouj miz banhfap gai okbae. Naemj daengz cungj cingz- gvang neix, Binhyangz Yen dungj- can bouhmonz cawjdoengh gaenx- maenx bae guh, cungfaen fazveih bouhmonz gij cozyung ciknaengz de, cujciz sanghvei、 feihgungh giyez coengh rengz buekhingz aen biengz siujgangh、 buekhingz gij nanzdaez duetgungz.

Gaengawq gyoepsuenq, baez hozdung neix vih Swhlungj Cin bouhfaenh ranz gungzhoj gai gaeq- noh 5000 duz, ranz gungzhoj cigsoh ndaej ik 20 fanh maenz; vih Swhlungj Cin hwnqguh aen dieg- goek guh cunghcaujyoz rau dieg、 genj dingh binjcungj dajndaem、 dingh cawx gomiuz daezhawj gisuz sonyinx, bau soucawx wngqcingz daengj.

（Lanz Sui/蓝 蕤）