Youq mwh fat binghraq, aenvih hagdangz mbouj ndaej baenz gyoengq baenz bang comz guh hozdung baihrog, Lungzswng Gak Cuz Swciyen Minzcuz Cunghyoz gag bien gag cauh le dauq cauhlienhndang habngamj youq ndaw gyausiz guh ndeu, hawj hagseng ndaej lienhndang, daezsang gij yauliz hagsib gyoengqde. Aenvih gyausiz mbouj miz geijlai hung, ndigah dauq cauhlienhndang neix cujyau dwg hawj ndang ning, seizgan miz 2 faen 30 miux, dungcoz ndeiyawj, gig ngaih hag rox, ndaej daengz lauxsae caeuq hagseng daengx hagdangz ndiepgyaez caeuq haenhndei.（Vuz Swnghbinh / 吴生斌）