Bouxbaetgai ndwencieng

Sa(ceij) yieng rim henz loh

Gwnz haw labsab moj

Mohdoz lai gvaq vunz

Bouxbaetgai ndwenngeih

Nditndat meiz(miz) nengz mbin

Baet gai ndaej seuqcingh

Vunzlai bingh mbouj miz

Bouxbaetgai ndwensam

Hanh rim dangh gyaeuj vaq

Cingmingz moh lij nya

Doiq mbouj gvaq bohmeh

Bouxbaetgai ndwenseiq

Ngeix daengz lwg caeuq yah

Lwg yah ndaem reihnaz

Mbouj ndaej gvaqbae bang

Bouxbaetgai ndwenhaj

Ndaw dah doh ruzlungz

Labsab seiqlengq bungz

Gungj hwet gip mbouj dingz

Bouxbaetgai ndwenloeg

Ngoenz doek fwn lailai

Aen gyaep mbouj ndaej hai

Baetgai mbouj ndaej daengx(dingz)

Bouxbaetgai ndwencaet

Ranzranz daet rong et

Bitgaeq daengjletlet

Gou lij bae gvet gai

Bouxbaetgai ndwenbet

Vunz lek haeux guh gau

Cibhaj ronghndwen hau

Dangj soengq gau hawj raeuz

Bouxbaetgai ndwengouj

Youq lajfaex yietnaiq

Rag aen ci naek lai

Yietnaiq le caiq guh

Bouxbaetgai ndwencib

Rib labsab bae coemh

Dieg labsab ok oenq

Dauq ngoenz laeng fat bingh

Bouxbaetgai ndwenit

Nit daengz raemx mbouj lae

Rumz boq doek mbawfaex

Bae baet mbat daihngeih

Bouxbaetgai ndewnlab

Rumz gab fwn lailai

Gwnz mbwn doek naefaiq

Baet gai mbouj yungzheih