De ndang raez vunz sang, byom raixcaix. De naengnoh ndaemndet, lumj gyaujgwzliz nei. Fajnaj luenzlulu de hawj gou ngeix daengz aen ronghndwen betnyied cibngux, fouq lwgda hung ronghliklik haenx lumj song aen makit youh ndaem youh lwenq, aenndaeng de sang lumj goengqbya, naengbak de nanwtnwt, lumj dwg hojduijcangz nei.

De gyaez daej dangqmaz. Miz doengzhag mbouj siujsim bungq deng de, de couh daejnganga hwnjdaeuj, byawz bae nai de cungj mbouj miz yungh. Sing yiengj coeg rwz, de lij daej ndaej baenz dangz bae, ndigah dou cungj heuh de guh“bouxdaihvuengz daej”.

Gij gyaezmaij de lai cungj lai yiengh, danhseih de ceiq gyaez veh veh. Roengz dangz de baez ndaejhoengq couh dawz bit hwnjdaeuj veh siengq gyoengq doengzhag, de veh ndaej ndei dangqmaz, couhdwg canghveh iq ndeu, ndigah caezgya cungj baizdoih ra de veh veh.

Haha, sou cai daengz byawz lwi? De couhdwg boux baengzyoux ndei gou, heuhguh Meuhmeuh!

(Nez Gyahdungz)