Dienheiq bienq raeuj, gwnz dieg haeuj cin, mbangj go faex ngamq did ngaz, mbangj hix hai rim va moq, duzlingz youq ndaw bya Ginhsiu Yauzcuz Swciyen haenx doengh angq hwnjdaeuj, gyoengqde youq henz ndoeng doq ra doxgaiq gwn doq guh angq, gyaezmaij dangqmaz, caencingz haengj gyaez seizcin.

Dieg Ginhsiu Yauzcuz Swciyen youq Byadayauz cungqgyang, ndaw dieg ndoengfaex cwgoemq sang daengz 87.67%. Gaenh bi daeuj, Ginhsiu Yauzcuz Swciyen youq guh ndei ndoengfaex swnghdai vanzging henhoh doengzseiz, mboujduenh dem ak doenghduz ndaw ndoeng henhoh ligdoh, byaraemx gyaeundei Byadayauz cingqcaen bienqbaenz diegyouq doenghduz ndaw ndoeng, bouxvunz caeuq byaraemx、 doenghduz doxhuz doxmaij caemhyouq.

(Gauh Yuzginh/高如金)