Seizciet gingcig, fanhfaed maj sang. Ndwen 3, Vanzgyangh Goeng- loh Guenjhoh Cungsim 18 boux dangjyenz gagnyienh laebbaenz aen- doih hag Leiz Fungh gagnyienh fugsaeh, bae daengz aenmbanj bangcoengh lienzhaeh Vanzgyangh Mauznanzcuz Swciyen Cenhsanh Cin Yafungh Cunh haiguh bang ndaemcin gagnyienh fugsaeh hozdung.

Bineix dwg bi doeksat Yafungh Cunh duetgungz duetmauh. Bungz seiz youqgaenj fuengzre binghraq caeuq seiz nyaengq ndaemcin,aendoih hag Leiz Fungh gagnyienh fugsaeh rox ndaw cunh ranz boux lingxdaeuz bienqfouq、 boux ciengx ndaem lai Cinz Dunghhaij bungz binghraq cingj mbouj ndaej vunz daeuj bang guh hong, couh cawjdoengh daeuj daengz dieggoek ndaem makbakhom de, youq de sonyinx lajde miz diuzleix bae gvej nywj、 gvak doem、 vanq vafeiz、 goemq doem, guh liux 4 diemjcung, hong cij sat.

“Geij ndwen daeuj, gou itcig youheiq cingj mbouj daengz vunz daeuj guh hong ndaw suen makbakhom, ngoenzneix gig docih sou daeuj bauj suenmak gou dawzmak. Gou engqgya miz saenqsim daiq vunzlai gungzhoj duetgungz bienqfouq.” Cinz Dunghhaij angq dwk naeuz.

(Veiz Canghyoz/韦昌学 Vei Hungzcan/韦洪站 Veiz Yungzsinh/韦荣新)