Ndwencieng daeuq raqyak,

Gak boux gag ranz bawx;

Ndawsim lumj feiz dawz,

Ngoenz lawz sat binghdoeg?

Dangj cunghyangh cijveih,

Daengx guek geiz it buenz;

Gak swngj cungj guh buenx,

Cuengq rengz bang Huzbwz.

Canghyw caeuq husw,

Mbouj gwed cungq fwz bauq;

Cancangz daep goujcau,

Caj dauqma caiq riu.

Feihgih gaijfangginh,

Daehyinh cien fanh bing;

Bae Vujhan cap yingz,

Gaj binghdoeg seuqsat.

Ginh minz gietsim daih,

Byajraix caeuq feizndat;

Binghdoeg mbouj gaj sat,

Mbouj fat lingh maranz.