Sinhgvanh Binghdoeg nyaux gwnzbiengz,

Cienzlah haenqrad simliengz caez;

Canghyw husw ganj gvaqbae,

Bouxbingh gaej caiq gag laebluenh.

Siusik cienz hawj Siz Ginbingz,

Coit haihoih dingh gezcwz;

Canghyw doxdaengq aeu haeuj rwz,

Goujcau ranzranz aeu bwh miz.

Vunzraeuz lwgminz aeu dingqgangj,

Mbouj okrog langh caen youq ranz;

Seizseiz gizgiz dwg cancangz,

Ban bingh gvaqbae mbouj gangj riu.

Vunzraeuz lwgminz aeu dingqgangj,

Sinhgvanh binghdoeg yak raixcaix;

Youq ranz yietnaiq gaej ok byaij,

Baengzyoux maij comz mbouj ndaej bae.

Vunzraeuz lwgminz aeu dingqgangj,

Sinhgvanh binghdoeg yak raixcaix;

Youq ranz hix aeu lienh ndang lai,

Ndaejgeiq hai cueng gaenx swiq fwngz.

Vunzraeuz lwgminz aeu dingqgangj,

Sinhgvanh binghdoeg yak raixcaix;

Fatndat baenz ae ndangnyieg vaiq,

Baenz gvai doq bae yihyen yawj.

Vunzraeuz lwgminz aeu dingqgangj,

Sinhgvanh binghdoeg yak raixcaix;

Fat bingh cam maz cungj gyaudaih,

Caih mwngz bae daengz gizlawz gvaq.

Vunzraeuz lwgminz aeu dingqgangj,

Fap fuengz bauj ndang ndawsim geiq;

Maqmuengh seizcin daeuj daengz seiz,

Bouxboux ndaej riu yiengj gwnzmbwn.