Sai:

Sinhgvanh feiyenz bingh

Haih vunz mingh

Bingh neix aeu fangzgung

Gaenjca mbouj cuengqsoeng

Fuengz laeuhdoengh

Mbouj hawj miz loeng ca

Mbwk:

Sinhgvanh feiyenz daeuj

Fatbingh le

Cingj gaej aeu vuengluenh

Gwnzlaj caez senhconz

Hoh gyahyenz

Gaej gag luenh aensim

Sai:

Caezgya caemh aensim

Rap cwzyin

Ginzcung cungj dingqgangj

Cienz minz caez danhdang

Hoh aenndang

Gengangh bouxboux riu

Mbwk:

Caeuq binghdoeg doxbuek

Liz uekcuek

Veiswngh gaej aeu lumz

Seizseiz aen uk singj

Geiq goeksim

Sawjmingh vih beksingq

Sai:

Dangj cunghyangh roengzlingh

Raeuz aeu dingq

Youq ranz bingh mbouj cienz

Seuqset ceiq ancienz

Duenh bingyenz

Okrog daep goujcau

Mbwk:

Vunzlai mbouj ndaej bae

Mbouj dingqgangj

Ndangdaej deng cienzlah

Vunzlai miz yungyiemj

Aen gainen

Aeu seizseiz mbouj lumz

Sai:

Aenmingh bengz gvaq gim

Gangj gohyoz

Mbouj saenq riuz cienz riuz

Gwnzlaj sim it diuz

Mbouj doxiu

Gag youq ranz gvaq ngoenz

Mbwk:

Dangj cunghyangh yinghmingz

Gezcwz ndei

Ceih bingh neix mienx cienz

Caezgya daeuj bangcoengh

Vunz baenzgyoengq

Gaej lau soengq yihyen

Sai:

Sinhgvanh feiyenz bingh

Caen haih mingh

Raeuzdoih aeu dingqgangj

Dangj caeuq raeuz cwngfuj

Caez fuengzceih

Dwk hingz aen bingh neix