Langhnaeuz gou goj miz gouh fwed ndeu, baeznduj gou mbin bae gizlawz lai ndei ne?

Gou yaek mbin bae Baekging gonq. Daxboh naeuz, Baekging miz Denh’anhmwnz hungmbwk lai, mbaw geiznding haj aen ndau- ndeiq haj gak guek raeuz couh- dwg daj gizde swng hwnjdaeuj doekgonq. Gwnz bya Baekging miz Singzraez Fanhleix hungmbwk dangqmaz, daengx lajmbwn cungj rox liuxliux.

Gou yaek mbin bae Baekging gonq. Daxmeh naeuz, bae Baek- ging ginggvaq Gveilinz, gizde miz bya miz raemx ndei gvaq laj- mbwn. Lij ginggvaq Dahcangz- gyangh Dahvangzhoz dem, youq ndaw guek raeuz, song ga dah neix ceiq hung ceiq raez.

Gou dauqma liux, couh guhneix lwnh daxboh nyi: Boh ha, gou byaij gvaq baihnaj Denh- anhmwnz lo, lwg benz gvaq Singzraez Fanhleix lo. Boh ha, gou naemj mbouj daengz, mwngz coj angqfaengz baenzmaz bae!

Gou dauqma liux, couh guh- neix lwnh daxmeh nyi: Meh ha, lwg ndaej raen gvaq byaraemx Gveilinz ndei gvaq lajmbwn de lo, gou raen gvaq Dahcangzgyangh Dahvangzhoz song ga dah neix youq ndaw guek raeuz ceiq hung ceiq raez de. Meh ha, gou naemj mbouj daengz, mwngz coj angq- faengz baenzmaz bae!

Gou dauqma liux, couh guhneix cam beixmbauq: Beix ha, beix bae gvaq Denh’anhmwnz lwi? Beix bae gvaq Singzraez Fanhleix lwi? Beix raen gvaq byaraemx Gveilinz lwi? Beix raen gvaq Dahcangzgyangh Dahvangz- hoz lwi? Beix ha, gou caen ngeix mbouj daengz, mwngz hozhaenz gou baenzmaz bae mbw.

Beix ha, mwngz lij siengqgya baenzlai lwi?

Mwngz lij naeuz gou baenz daeghuk, gijmaz cungj mbouj rox lwi?

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwgfwngzmeh/卢奋长hoiz）