Dahnuengx gou ngamq ndaej song bi, cabheiq youh ndeigyaez, ciengzseiz hawj vunz ndaw ranz nyaengq mbouj dad.

Miz baez ndeu, daxmeh dawz gvehoengz cuengq youq gwnz daiz, cab baenz lip baenz lip, dahnuengx raen le, gaem hwnj daeuj couh haeb gwn gaemz hunghung nei, gvehoengz ceh doek youq gwnzdieg, dauqcawq cungj miz, raemx gvehoengz doek gwnz namh. Gou caeuq daxmeh yawj mbouj gvaq da, couh dawz gaiqdohbaj mad dibanj, hix aeu baengz mad. Dahnuengx lumj mbouj raen dou nyaengq, lij dwg ciuqyiengh gwn, caen mbouj miz maz banhfap.

Lij miz baez ndeu, dou ma ranz daxbuz guhcaemz. Daxbuz cingq youq dingjlaeuz dak haeux, gou cix bae bangcoengh. Gou caeuq daxbuz baet gij naed haeux sanqhai youq itheij.Dahnuengx raen le, cix dawz nyangj- baet baet haeux. Gou caeuq daxbuz itcig nyinhcaen baetseuq，hoeng dou fatyienh haeuxgok vihmaz sanq ok- daeuj engq lai? Ngeuxgyaeuj yawj, dwg dahnuengx loengh doeng loengh sae, de cungj dwg baet doeng baet sae, haeuxgok dauqcawq sanq, caendwg yied coengh yied luenh. Mbouj miz banhfap, gou cij ndaej daiq dahnuengx bae lo.

Lij miz baez ndeu, dwg ban- haemh, gou bang dahnuengx swiq- ndang. Gou cuengq dahnuengx roengz ndaw batraemx hung, de naengh youq ndaw batraemx neix, haenq- rengz bekraemx, raemx sinz daengz gwnz ndang gou dumz lo. Mbatmbat bang dahnuengx swiqndang cungj lumj bae hoenxciengq nei.

Yawj ba, dahnuengx gou dwg mbouj dwg gig iu, danhseih dwg mbouj dwg hix dwggyaez dangqmaz ne？

（bouxlauxsae son’gyauq：Vangz Gveiyangh/黄桂香）