Yienznaeuz daegnuengxbiuj gou ngamq roek bi, vunz iq gveijgvaiq lai. Cabheiq youh luenhloengh, mbouj miz saek seiz dingz youq, loengh ndaw ranz luenh lailai. Gou seizseiz dingq- nyi meh de, hix couhdwg mehnax gou naeuz：“Lwglingz neix, gwn sam daeuj haeux cij guenj ndaej de.”Mehnax gangj mbouj loek, daegnuengxbiuj caen dwg cabheiq hamj mbwn lo.

Miz baez ndeu, mehnax caeuq daegnuengxbiuj daeuj ranz gou guhcaemz. Daxmeh baq aen gvehoengz ndeu. Daihgya caez naengh youq naj daiz siujsim gwn gvehoengz, caenh- liengh mbouj hawj raemxgva ndik daengz gwnznamh. Daegnuengxbiuj ne? Nyengh yaek caeuq dou doxdingj. De mbouj lauxsaed gwn gva, cix dwg doq gwn doq byaij, lij daegdaengq gwn gaemz hung dem, hawj raemxgva ndik rim gwnznamh. Mehnax fatheiq lo, heuh de mad dibanj seuq bae. De mbouj haengj, couh gaen gou haeuj rug, “bwng”sing ndeu de fanj daep dourug lo. Gou cam de：“Mwng fan daep dourug guh gijma?”Daeg- nuengxbiuj gangj：“Mbouj daep hwnj- daeuj, meh gou haeujdaeuj rag gou okbae ne.” Gou naeuz：“Suj gaen vaih lo, daep mbouj ndaej lo.”Daeg- nuengxbiuj baez dingq, sim vueng baenz cienq bae cienq dauq, sawq- mwh ndoj haeuj ndaw gvihbuh bae lo.

“Okdaeuj vaiq di.” Gou naeuz.

“Ciqyungh yaep ndeu.”daeg- nuengxbiuj han.

Seizneix, mehnax haeuj ndaw rug daeuj lo, cam gou daegnuengxbiuj youq gizlawz? Gou gyajcang han naeuz mbouj raen de. Mehnax gag ra vunz. De daj daejmbonq ra daengz gvihbuh, gingqyienz ra mbouj raen daeg- nuengxbiuj. Mehnax mbouj miz banh- fap, cijndaej okbae lo. Mehnax baez okbae, daegnuengxbiuj couh daj gvih- buh okdaeuj lo. Gou gig geizheih, cam de dwg mbouj dwg miz fapndojndang？Daegnuengxbiuj gangj：“Rox meh gou yaek ra daengz ndaw gvihbuh daeuj, soh aeu denz goemq hwnjdaeuj, meh gou gingqyienz mbouj fatyienh, haha.”Daegnuengxbiuj doq gangj doq riu hwnjdaeuj.

Lij miz baez ndeu, gou caeuq daegnuengxbiuj bae cawx sietdiuz gwn. Sietdiuz yungz lo, ndik raemx dwk. Gou naeuz：“Daegnuengxbiuj, gizlawz yungz cup gizlawz, mboujne raemx ndik roengzdaeuj, ndik daengz gwnz fwngz gwnz buh, niunwknwk, uqmadmad.” Ai， mbouj gangj cix liux, baez gangj couh boihseiz lo. Cij raen de baez cienq lwgda, ndang gyajcang laemx, couh dawz raemx sietdiuz ndik haeuj ndang gou daeuj. Bouxgvai mbouj gwnvi dangqnaj, gou yut din couh deuz. Gou buet daengz laj laeuz, daegnuengxbiuj hix gyaep riengz daeuj lo. Gou ganjvaiq haeuj dendih hwnjlaeuz lo. Ranz gou youq 15 laeuz. Yawj de baenzlawz gyaep？Mbouj liuh gou ngamq daj 15 laeuz ok dendih, daegnuengxbiuj hix daj aen dendih lingh okdaeuj lo. Gou gaenjgip haeuj ranz gven dou, gven daeg- nuengxbiuj coq rog dou. Daeg- nuengxbiuj youq rog dou buekmingh bek dou. “Bwng! Bwng! Bwng!”Sing gok cauz rwz, lumj duzfangz haeuj mbanj. Daxmeh caeuq mehnax huj- heiq dangqmaz, ndaq daegnuengxbiuj can ndeu, gou hix deng ndaq can ndeu. Ai, caeuq daegnuengxbiuj guh- caemz, cungj deng gwnvi lo.

Daegnuengxbiuj cabheiq youh luenhloengh, mehnax gangj daeg- nuengxbiuj dwg duzlingz bienq baenz, dwg mbouj dwg ne？

（bouxlauxsae son’gyauq：Mungz Cwngzgen/蒙成建）