Gou guhfwen……

Beixmbauq cix cam gou: Mwngz guh gijmaz fwen ne?

Baenzneix cam geizheih dahraix! Gou seizneix cingq guhfwen, mwngz mbouj ndaej nyi ha, beixmbauq ha?

Beixmbauq riu gou naeuz: neix fwen gijmaz ha, gou caengz ndaejnyi nauq ne.

Fwen neix fwen duh gou. Gomaknamgeu baenz maknamgeu, gomakfad baenz makfad, gou hix miz fwen duh gou. Nanzdauh gou deng eu gij fwen mwngz eu gvaq cijndaej ha? Gou deng eu gij fwen caeuq mwngz eu doxlumj cijndaej ha, beixmbauq ha?

Beixmbauq riu gou naeuz: Fwen neix suenq fwen gijmaz ha? Gou coenz ndeu cungj dingq mbouj rox ne.

Fwen neix fwen duh gou la! Miz maz ndeiriu ne, gij fwen duzroeg ndaw ndoengfaex eu de, gij fwen ga dah’iq dinbya eu de, gou caemh dingq mbouj rox saek coenz, hoeng fwen gyoengqde ndeidingq dangqmaz, mbouj dwg ma?

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwgfwngzmeh/卢奋长 hoiz）