Youq Namzningz Vandazmau naengh gosanhceh, hawj gou rox- nyinh gingyiemj raixcaix.

Ngoenz haenx, dou daeuj daengz Vandazmau Lozyenz, miz haujlai cungj hanghmoeg guhcaemz ndei dangqmaz. Gou genj aen hanghmoeg gingyiemj haenx guh- caemz, daeuj daengz gizhaeujok gosanhceh, haeuj aen bakdou genj biuq le, dahcej couh daiq gou naengh haeuj ndaw gosanhceh, bang gou dawz diuz saiancienz haenx cug ndei.

“Didi——didi——”neix dwg gij sing gosanhceh yaek hainduj. Yienzhaeuh gosanhceh menhmenh haidoengh, gyavaiq gyavaiq, yaep ndeu couh bongh hwnj aen bo mizdi lingq ndeu. Riengz suzdu gyavaiq, gou dingqnyi henz rwz gij singrumz “huhu” haenx, roxnyinh ndang gou yaek mbin okbae lo. Ngamq cung daengz giz ceiq sang, gou caengz soeng gaemz heiq, gosanhceh youh lumj gij naq liz gung, cung roengz baihlaj bae. Hwk dwk gou laep da hwnjdaeuj, yaep ndeu roxnyinh ndang fouz, ndaw uk cienqngve- ngve. “A——a——” gou dingqnyi haujlai singsoem hemqgitgit. Baez riengjret, gosanhceh youh cienq daengz gvaengz dingj, loekci yiengq mbwn, ndang gou dauqdingq venj, gou caen lauheiq swhgeij doek roengzdaeuj, naenggyaeuj gou maz- mwnh, vunz yaepyet fuzfengh. Couh yienghneix cienq le sam hop, gosanhceh haeuj congh，suzdu menh roengzdaeuj, gwnz rin bangxhenz yienh’ok bouh denyingj ndeu, seiz- haenx gyaeujngunh dahraiz，yawj mbouj singj dwg gijmaz. Sawqmwh,“bung!”sing ndeu，daeng laep lo, ci dingz lo, gou laihnaeuz ci vaih lo, mbouj rox baenzlawz guh. Ngamq yaep ndeu, daeng youh rongh lo, yienzlaiz dou daengz giz doeksat lo.

Daj gosanhceh roengzdaeuj, song ga gou lij saenz, sim diuq- bubbub. Naengh gosanhceh ging- yiemj lai lo, baezlaeng gou caiq mbouj gamj naengh gosanhceh lo.

（lauxsae son’gyauq：Mungz Cwngzgen/蒙成建）