Gaxgonq, miz aen guekvuengz ndoengfaex ndeu, duzguk youq baihnamz, saeceij youq baihbaek. Gyoengqde moix ngoengz cungj doengzcaez guhcaemz, doxndei raix- caix, angqyangz dangqmaz.

Miz ngoenz ndeu, duz nyaenma ganvad haenx siengj gaemguenj daengx aen guekvuengz ndoengfaex, couh siengj ok aen gveijgeiq ndeu. De buet daengz duzguk gizhaenx, lejsing doiq duzguk gangj：“Gukdaihvuengz, saeceij baenz ngoengz caeuq mwngz youq itheij, de itdingh dwg siengj bungj mwngz, yienzhaeuh siengj dued vuengzvih mwngz, yaek guenj daengx aen guekvuengz ndoengfaex，mwngz aeu re di bw. Mboujne, gou bang mwngz dwkbaih saeceij bae.”Duzguk ngeixngeix, raen vah nyaenma miz dauhleix, couh han lo. Seizhaenx, dahnuengx duzdouq soengq mak- dumh hawj gukdaihvuengz, dingjlingz dingqnyi gienh saeh neix, couh gangj dahcej baihbaek baenzbingh, aeu cingjgyaj bae yawjyawj，gukdaih- vuengz doengzeiq lo.

Youq gwnz roen, dahnuengx duzdouq yawjraen nyaenma lumj mbin nei buet bae coh ndoengfaex baih- baek. Yienzlaiz dwg nyaenma bae ra saeceij daihvuengz, hix doiq saeceij daihvuengz gangj vah doxdoengz, yienghneix yawj daeuj, ciengz dox- hoenx ndeu couh yaek hainduj lo.

Dingjlingz, nyaenma doiq saeceij daihvuengz gangj coenz vah neix hix deng dahcej duzdouq dingqnyi lo, de gaenjgip buet bae lwnh dahnuengx duzdouq. Couh yienghneix, song beix- nuengx youq gwnz roen doxbungz. De rox gij goekgaen caez lo, couh cienqndang dauqma lwnh guk- daihvuengz caeuq saeceij daih- vuengz nyi. Duzguk caeuq saeceij rox cingzgvang le, gietdingh ceih nyaenma baez ndeu.

Ngoenz daihngeih, duzguk caeuq saeceij raennaj le, canggyaj lumj miz- couz, doxceng doxndaq, yienzhaeuh doxhoenx doxdub, doeksat, song mbiengj cungj sieng, laemx youq gwnz namh, miz heiq mbouj miz rengz. Nyaenma yawjraen le, daekeiq fwng- fwng, riuhaha dwk naeuz：“Gou dwg naengh ngonz sae guk doxhoenx, daj ndawde ndaej leih, gou aeu guenjleix daengx aen guekvuengz ndoengfaex lo.” Gangjsat, duzguk caeuq saeceij “souh”ndwn hwnjdaeuj, nyaenma doeksaet dangqmaz, yut din couh buet, guhlawz cungj buet mbouj ndaej gib, deng duzguk caeuq saeceij haeb ndaej gig maenh, dai lo.

（lauxsae son’gyauq： Vangz Gveiyangh/黄桂香）