Miz coenz vah ndeu dwg yiengh- neix：“Mwngz ciuqhengz gyaudoeng gveihcwz seiz, ancienz caeuq mwngz guhdoih byaij；mwngz famh gyau- doeng gveihcwz seiz，yungyiemj cingq yiengq mwngz byaij gvaqdaeuj.”Gamjdaengz coenz vah neix gangj ndaej deng, raeuz cijmiz gag ciuq gyaudoeng gveihcwz guh, cij ndaej daengx ciuhvunz bingzan.

Mwngz yawj! Boux boh’au ndaw bak gamz ien haenx, daengx naj cungj dwg mumh, yawj gij yienghceij dwg cingq siengj gvaq goengloh. Seizneix daenghoengz lumj lwed nei hoengzuu. Hoeng de lumj dwg mbouj raen daenghoengz nei，vanzlij yiengq baihnaj byaij gvaqbae. Seizneix, boux goenggeq ndeu laengz de naeuz:“Boux sienseng neix, seizneix dwg daenghoengz, cingj mwngz caj yaep ndeu caiq gvaqbae ba!” Boh’au gamz ien haenx cungj mbouj yawj goenggeq da ndeu, ndaengqcwq dwk naeuz:“Gven mwngz gijmaz saeh? Gaej baklai! Gangj sat, gyaq ci hung ndeu cingq yiengq de cung gvaqdaeuj, de siengj mbouj daengz doeksaet lo, ngawh mwnh dwk, mbouj rox baenzlawz guh. Boux swhgih raen de lo, hix sikhaek yiengq baihswix ngut fanghyangbanz, “sw” sing ndeu. Ci sawqmwh dingz roengzdaeuj, youq gwnz dieg veh ok diuz riz cing- cingcujcuj ndeu. Hoeng lij dwg nguh yamq ndeu. Song ga boh’au gamz ien haenx ciengxlwenx louz youq gwnz maxloh lo! Gij ien deng gwn bae buenq ndeu haenx deng vut youq henz gig gyae gig gyae. Seizneix, daengloeg ronghsagsag lo, hoeng ga de caiq hix mbouj miz lo.

Ai！Danghnaeuz boh’au neix ciuq gyaudoeng gveihcwz guh，hoj- naengz mbouj fatseng saehhux，mbouj yawjnaek gyaudoeng gveihcwz itdingh yaek cauhbaenz huxhung. Hawj raeuz yunghsim geiq ba: Ciuq gyaudoeng gveihcwz guh cij ndaej bingzan caeuq vuenyungz.

（lauxsae son’gyauq: Luz Yinz- hwz/陆银核）