Miz aen dangz goq duenz cihsaw ndeu, hawj gou nanz lumz.

Ngoenzhaenx, Vangz lauxsae byaij haeuj gyausiz, riunyumnyum yawj gyoengq doengzhag naeuz：“Gyoengq doengzhag, ngoenzneix raeuz daeuj duenz cihsaw, baenz mbouj baenz？”“Ye!”Daengx ban angq hemq.“Baenz, lauxsae sien ok aen daezmoeg daih’it,‘gaemz ndeu haeb goenq rieng vaiz’.”“Cih gau！Gau! Gau!”Vah laux- sae ngamq dingz，daengx ban couh gangj ok dapanq. Lauxsae riunyumnyum dwk ngaekngaek gyaeuj, iet fwngz vad doxroengz, heuh dou caemdingh. Lauxsae ciepgangj：“Vunz caij fwj.”“Cih vei!” Boux doengzhag ndeu ndwn hwnjdaeuj gangj ok dapanq. Lauxsae daengj fwngzmeh coh de. Dangseiz de naj riu sim angq lailai.

Lauxsae ciep gangj：“Aen mak rox gangjvah.” Diuz daez neix hoj lai laengz dawz daih- gya lo. Ndaw gyausiz dangseiz couh caemrwgrwg. Gyoengq doengzhag mwngz yawj gou, gou yawj mwngz, geizheih dangqmaz. Miz mbangj daz rwz nyauj naj, miz mbangj ngeix bae ngeix dauq, lij miz mbangj dawz bit sij sij. Gou siengj：“Aen mak rox gangj- vah, dwg mbouj dwg cih ‘go’ ne?”Hoeng gou mbouj gamj haengj- dingh, gou lau gangj loek saetnaj. Loek couh loek, daihdamj miz guen dang! Gou mbouj caiq laux gijmaz, daihdamj ndwn hwnjdaeuj gangj： “Lauxsae， dwg cih ‘go’ deng lwi？”“Deng!”“Ye！”Daengx ban yiengj hwnj sing bekfwngz goksasa. Gou sim’angq dangq- maz.

Ciepdwk lauxsae hawj dou duenz haujlai cihsaw, duenz deng miz ciengj, duenz loek mbouj miz ciengj, simhai daih’it. Singriu, singgo, singbekfwngz, daj ndaw gyausiz cienz ok gig gyae.

Aen dangz duenz cihsaw neix caen mizyinx ha!

（lauxsae son’gyauq：Mungz Cwngzgen/蒙成建）