●Bineix doxdaeuj, Denhdwngj Yen aeu hong banggungz couhnieb baij youq dieg youqgaenj, comz- yawj gyoengq vunz gungz- hoj, gaenxmaenx haiguh hozdung cienhangh fugsaeh couhnieb, cinjcing haiguh hwnj ranz son’gyauq din- fwngz, mboujduenh daez- sang gij naengzlig gag hwngfat gyoengq vunz gungzhoj, aeundaej cingzcik ndei.

(Leiz Liginh)

●Mboengqneix, Denz- linz Yen Gyauhdunghgiz bae daengz aen mbanj lienzhaeh banggungz Gya- langj Cunh haiguh hozdung ngoenz banggungz, gangj cwngcwz soengq raeuj, gaijgez gij saedsaeh hojnanz ranzgungzhoj, giensoengq 3 fanh maenz haeujcoengh Gyalangj Cunh hwnjguh giekdaej sezsih, cietsaed gaijgez gij hojnanz vunzlai, fuengbienh vunzlai guhhong gvaq ndwenngoenz. Caemh- caiq haeuj ranz soengq gaiqdakbuh daengj doxgaiq ngoenzyungh hawj ranz- gungzhoj.

(Lij Cangzcingh)

●Ndwen 10 ngoenz 24 daengz 26, Gvangjdungh Gvangjsih minzyingz giyez siuhfei banggungz doxdoiq hozdung youq Baksaek Si banh. Mwh hozdung, lai aen giyez camgya dingh cawx gij doxgaiq reihnaz caeuq fugsaeh Gvangjsih 54 aen yienh gungzhoj, Gvangj- dungh mizgven giyez naemj soucawx mauhgvaq 3 ik maenz, yienhciengz ciem- dingh hezyi daengz 1.33 ik maenz.

(Cangh Fangh)

●Bineix doxdaeuj, Dasinh Yen cujciz boux- gagnyienh bujfaz bouxcoz haiguh aen hozdung senh- conz ciendaez bujfaz “fazci senhconz haeuj segih haeuj lajmbanj、bujfaz eiqsik haeuj simvunz”, caenh- itbouh gyagiengz gij ligdoh lajmbanj fazci senhconz gyauyuz, mboujduenh gya- giengz gyoengq vunz faplwd eiqsik caeuq fapceih gvanh- nen, fungfouq vunzlai laj- mbanj faplwd cihsiz.

(Vangz Dwzminz)