Mboengqneix, Liujcwngz Yen youq yienhsingz Bwzyangz Gvangjcangz banh vut gungz gunggeng minzcuz doxgiet vwnzyi cozbinj baijyawj, yungh gij yisuz hingzsik ingjsiengq、suhfaz、sei doiq, langhbaij gij cingzcik gaih- donsing Liujcwngz Yen vut gungz gunggeng cauhlaeb minzcuz doxgiet aeundaej haenx, sonyinx daengx biengz gak hangz gak nieb haeujsim gungz- hoj、hag yienghndei henzgyawj、senh- conz gij ndei vunz bingzciengz, gungganq gij funghsang ndei ndaw- biengz, gyagiengz gij rengz gietcomz minzcuz sou ndaej yaugoj yienhda.

Baez canjlanj neix, gungh baij ok cozbinj ingjsiengq 60 fuk, suhfaz、sei doiq cozbinj ca mbouj geijlai 30 fuk. Cungfaen fatok gij cozyung vwnzyi cozbinj yungh faenz bang ceiq、yungh faenz bang caiz、yungh faenz gamj- doengh vunz, aeu gij cingsaenz doenghlig hawj gyoengqvunz, gikcoi daengx yienh vunz bae guh hong vut gungz gunggeng, vih doicaenh Liuj- cwngz lajmbanj saenqhwng bangrengz, caez hwnjguh aen gyaranz minzcuz doxgiet doxhuz gyaeundei.

Vih cungfaen langhbaij gij cingz- cik ndei hong cauhlaeb minzcuz doxgiet cinbu vut gungz gunggeng daengx yienh, bi 2017 hainduj, Liujcwngz Yenveij Senhconzbu、Yen Fuzbinzban daengj bumwnz lienzhab haiguh baenz- dauq banggungz gunggeng ciendaez vwnzyi caijfungh hozdung. Boux- guhhong vwnzyi bonjdieg Liujcwngz cawjdoengh guh, bae gak yanghcin、segih、mbanj, bae daengz gyang reih gyang naz, haeujgyawj roxnyinh gij bienqvaq Liujcwngz hengzguh cwngcwz banggungz doxdaeuj haenx, aeundaej haujlai sucaiz sengdoengh, cauhguh ok buek vwnzyi cozbinj cauhnduj ndeu fanjyingj Liujcwngz minzcuz doxgiet cinbu、hwnjguh lajmbanj saenqhwng, caeuq gij cingzgvang moq、diemjrongh caeuq cingzcik hong vut gungz gung- geng.

(Veiz Gyaujsangh)