Ndwen 10 ngoenz 20, Yungzsuij Myauzcuz Swciyen Anhdai Yangh Mbanjyenzbauj Mbanjmyauz guh hozdung “doxdax raed riengzhaeux”. 150 lai boux mehmbwk Myauzcuz bae dieggoek ndaem haeuxcid ndaem, camgya raed riengzhaeux、 haed riengzhaeux、rap riengzhaeux daengj doxdax caeuq youq henz naz ringbya daengj hozdung, angqyangz yiengjsouh fungsou.

Ciuq cam rox, haeuxcid ndaem youq Yungzsuij dajndaem lizsij gaenq miz bak bi. Seizneix, aen yienh neix yungh gij vunqsik “dangjcihbu+gihdi+nungzhoh (ranzgungzhoj)”, sonyinx vunzmbanj youq Liengzcai、Anhdai、Sanhfangz、Gungjdung daengj diegbya sang diegnit dajndaem, moux sou ndaej 300 lai goenggaen, dan loh neix moux laisou 3000 lai maenz, rengzrwd coicaenh bouxguhnaz laisou baenz miz, baenz “haeux baenz miz” vunzguhnaz diegbya.

(Lungz Linzci/龙林智)