Ndwen 10 ngoenz 18 banhaemh, “hwnjguh aen Gvangjsih gyaeundei saed- yienh aen loqsiengj fuk- hwng”—— heiq ndei Gvangjsih bae mbanj yienjok leih lwgminz youz Swcigih Dangjveij Senh- conzbu cawjbanh haenx bae daengz Lungzswng Gak Cuz Swciyen. Gyoengq bouxyienj yungh gij yiengh foux ndeiyawj、gij singgo ndeidingq gonqlaeng yienj 《Gvangjsih Ndei Lai Lo》、diuqfoux 《Go Mbin Ndaw Byadah》、siujbinj 《Laex》 daengj cezmuz ndeiyawj, langhbaij gij yienghsiengq Gvangjsih gak cuz lwgminz gaenxguh baenaj、ndwenngoenz huzndei vuenyungz hawj bouxyawj. Yienjok yienhciengz sing dopfwngz、sing hemqheuh mbouj dingz mbouj duenh, bouxyawj ndaej yawj ciengz heiq ndeiyawj ndeu.(Banh Cisiengz/潘志祥)