Ndwen 10 ngoenz 19, cingqdwg ciet lwgmaenz Sanhgyangh Dungcuz Swciyen Dungzloz Myauzcuz Yangh bi gvaq baez haenx. Ngoenzhaenx, Gveihmeij Cunh banh mehmbwk doxbeij vat lwgmaenz、 lwgmaenz beij aen hung、yienjheiq daengj hozdung, hozdung yienhciengz miz haujlai vunz mbanj henzgyawj daeuj yawj, nauhyied dangqmaz.

Geij bi neix daeuj, Gveihmeij Cunh yungh seizgei ciet lwgmaenz, haiguh mehmbwk doxdax vat lwgmaenz、lwgmaenz beij aen hung、baij gai lwgmaenz daengj hozdung, baenz diuz roen gyalai gai lwgmaenz ndeu caeuq gij banhfap youqgaenj daezsang mingzdaeuz “lwgmaenz byasang Gveihmeij”. Linghvaih, lij doenggvaq aen danhvei bangfuz、aen giyez lingxdaeuz bang gai、baij gai senhconz doigvangq, hawj“lwgmaenz byasang Gveihmeij” baenz canjnieb cujdauj ndawde cungj ndeu hawj vunzlai gungzhoj dangdieg vut gungz.(Lanz Cwzbingh/兰泽兵)