●Geij bi neix daeuj, Nanzdanh Yen Luzcai Cin mboujduenh cauhmoq loh- naemj、cienjbienq banggungz vunqsik, doenggvaq cwngfuj sonyinx、hozcozse daiq- doengh、vunzlai camgya daengj vunqsik, haenqrengz doicaenh hwngfat daegsaek canjnieb makndae, coicaenh vunzlai laisou baenz miz.

(Liengz Yaujdanh)

●Geij bi neix daeuj, Yungzanh Yen haenqrengz saedhengz couhnieb bangfuz, leihyungh gijndei swhyenz gak yanghcin、mbanj, youq mbanj goengrengz haemq lai haenx hwnjguh buek ceh- genh banggungz、cangj iq daengj couhnieb cauhnieb bingzdaiz, gaenxmaenx hwngfat lajmbanj ginghci, gunghawj couhnieb gangjvei. Doengzseiz, dangdieg lij gyagiengz son’gyauq din- fwngz ranzgungzhoj, hawj goengrengz gungzhoj youq bakdou hawj ranz couhnieb, saedyienh ra cienz caeuq yawj ranz cungj mbouj nguh.

(Vangz Yaubangh)

●Mboengqneix, Luzcai Yen Bingzsanh Cin makgam- diengz haeuj daengz seiz baenz sou, aen cin neix 18 aen ciengz senj mak laeb- daeb haihong, ciengz senj mak nyaengqnyatnyat. Ciuq cam rox, Bingzsanh makgam miz 6.14 fanh moux, gaenq dawzmak 4.51 fanh moux, daengz seiz baenz sou, moix ngoenz gunghawj 3.6 fanh aen guhhong gangjvei hawj aen cin neix caeuq aen cin henzgyawj, miz ca mbouj geijlai 400 ranz ranzgungzhoj camgya sou caeuq senj mak cang yinh.

(Lai Genveih)

●Bi 2019 ndwen 10 ngoenz 17 dwg aen daihroek ngoenz banggungz guekgya, hix dwg aen daihngeihcib caet ngoenz siucawz gungzhoj gozci. Cingsih Si yungh aen seizgei neix, cujciz 13 aen bouhmonz gvendaengz boux- guhnaz, youq aen gvangj- cangz youqndwi aen si neix “laeb daiz laeb dan”, senh- conz gij cwngcwz baenzdauq banggungz leih lwgminz hawj vunzlai gvaq roen, ndaej daengz gyoengqvunz haenh.

(Cinz Hungzcangz)