10 nyied 19 hauh， youq Gvangjsih Fangzcwngzgangj Si hai Aen Hoih Canghfanhoiz Saemjdingh Swz Moq Sawcuengh Bi 2019 Cunghgoz Minz- cuz Yijvwnz Fanhyizgiz， baez hoih neix youz Cunghgoz Minzcuz Yijvwnz Fanh- yizgiz cawjbanh, Gvangjsih Fangz- cwngzgangj Si Minzcunghveij bang- banh.

Boux gizcangj Cunghgoz Minzcuz Yijvwnz Fanhyizgiz Lij Vanyingh caeuq boux fugizcangj Lij Yuzlen， boux fucujyin Gvangjsih Bouxcuengh Sw- cigih Minzcunghveij Veih Yungjhungz, boux fusicangj Gvangjsih Fangzcwngz- gangj Si Ouhyangz Cin, boux cujyin Gvangjsih Fangzcwngzgangj Si Minz- cunghveij Bauh Gyahyouj caez daengz aen gaihmusi neix. Aen hoih neix youz Lij Yuzlen cujciz.

Youq gwnz gaihmusi， Lij Van- yingh giethab yinvu baez hoih neix gangj sam aen yigen：It dwg guh gaiq hong yungh saw minzcuz fanhoiz， aeu ndaetndi dawz ndei diuz sienq “Cuk maenh aen eiqsik caezcaemh Cunghvaz Minzcuz”； ngeih dwg guh gaiq hong yungh saw minzcuz fanhoiz，aeu roengzrengz fugsaeh gaiq hong aen daihbuenz dangj caeuq guekgya; sam dwg geiqmaenh sawjmingh gamj dang- saeh， yungh simnduj caeuq sawj- mingh guh ndei gaiq hong saemjdingh swz moq.

Veih Yungjhungz gangjdaengz，Swcigih Minzcunghveij（Minzyijveij） youq mwh caeuq Cunghgoz Minzcuz Yijvwnz Fanhyizgiz doxgap guh gij hong fanhoiz, daegbied dwg bi’gvaq Gvangj- sih Bouxcuengh Swcigih laebbaenz 60 hopbi, aen swz Sawcuengh caeuqfaenh gij hong fanhoiz caeuq doengzsing hoiz vah， doengzseiz muengh baezlaeng yaek caez dazfwngz、caezsim guh， dawz gaiq hong fanhoiz Sawcuengh nyoengx baenaj dem.

Gwnz hoih，Cunghgoz Minzcuz Yijvwnz Fanhyizgiz soengq 《Cunghgoz Gungcanjdangj Canghcwngz》《Cibgouj Daih Vwnzgen Gyoebbien》《Cunghvaz Yinzminz Gunghozgoz Yenfaz》 daengj cek Sawcuengh hawj Fangzcwngzgangj Minzcunghveij.

Baez hoih neix， miz Baekging、 Guengjsae、 Yinznanz daengj dieg 25 boux lauxhangz， faen guh song aen cuj， saemjdingh gij mingzcwngh faplwd Sawcuengh. Vih neix daegbied daj gihcwngz cingj geij boux fazgvanh daeuj， caeuq gyoengq lauxhangz Vah- cuengh、 Sawcuengh caezcaemh yaeng- lwnh. Seiz gaenj hong naek， hoeng mbat neix lwnh seiz haenq souj gij yenzcwz saemjdingh， aeu gij cingsaenz canghlig nyinhcaen cug aen saemj- dingh， gyoengq lauxhangz cungj vih gij swz moq baenzlawz hoiz cix mwngz coenz gou coenz， gangj ok gij yawjfap bonjfaenh. Vihliux aeu Vahcuengh hoiz ndaej engq doj engq ndei，gyoengq lauxhangz ngeix dwk ukhaw liux.

Aen hanghmoeg gveihfan swz moq youz Cunghgoz Minzcuz Yijvwnz Fanhyizgiz daj 2010 nienz hai guh， daengz seizneix， aen hoih canghfanhoiz saemjdingh swz moq Sawcuengh youq dieg Guengjsae、 Yinznanz daengj hai le 10 baez， saemjdingh le gij swz baudaengz swz moq Sawcuengh youq ndaw 2800 lai aen. Baez hoih neix，doiq caiq guh ndei gaiq hong sawj swz moq Sawgun hoiz ndaej engq gveihfan、engq dungjyiz caeuq engq byauhcunj，sawj gij saehnieb fanhoiz Sawcuengh engq gohyoz hwngfat， sawj daengx aen saehnieb fanhoiz minzcuz yijvwnz mboujduenh guh baenaj.

(Cunghgoz Minzcuz Yijvwnz Fanhyizgiz hawjgauj)