Ndwen 10 ngoenz 16, Gveigangj Si Cinzdangz Gih Mungzgungh Cin Minz- cuz Cogaep Cunghag banh bi 2019 Cinzdangz Gih hagdangz doxdax Vah- cuengh doeg saw gingdiemj, neix hix dwg Gvangjsih gaiq daihcibngeih doxdax doeg saw gingdiemj Cunghvaz caeuq 2019 Gvangjsih hagdangz doxdax doeg saw gingdiemj Cunghvaz Cinz- dangz Gih doxdax senjleh Vahcuengh. Baez doxdax neix youz Cinzdangz Gih Gyauyuzgiz cawjbanh, Mungzgungh Cungsim Siujyoz、Mungzgungh Cin Minzcuz Cogaep Cunghag bangbanh, faen cuj hagseng caeuq cuj lauxsae guh.

Mwh hozdung, gyoengq doengzhag doeg《Lwgnyezhung Cungguek Gangj》《Gou Gyaez Guekcoj》《Danqhaenh Guekcoj》《Goj Cangzcwngz》daengj, danqhaenh guekcoj hungmbwk raeuz, doeg ok gij cingz gyaez guekcoj, cienz gij cingz gyaez guekcoj. Youq mwh doxdax, gyoengq lauxsae riengz gij yaem’wenq gyaeundei, caeuq gij dungcoz rengzrwd, doeg gij gingdiemj gig miz yinxdaeuz, yungh gij sing- yaem goksad neix danqhaenh guek- coj, yungh cingz ndaw sim haenh vahcoj!

Baez doxdax neix cuj hagseng gungh bingz ok 3 boux itdaengjciengj, 5 boux ngeihdaengjciengj, 8 boux sam- daengjciengj. Cuj lauxsae gungh bingz ok 8 boux itdaengjciengj, 8 boux ngeihdaengjciengj. Cinzdangz Gih Gyauyuzgiz yaek daj gyoengq vunz ndaej ciengj neix senjleh 2 boux lauxsae、3 boux hagseng daiqbiuj Gveigangj Si camgya swcigih cungj- gezsai.

(Cinz Souhwngz/覃寿恒)