●Vih angqhoh Cung- guek moq laebbaenz 70 hopbi, ndwen 9 ngoenz 30, Dwzbauj Yen Nazgyaz Cin banh aen hoih fwen “angqhoh Cunghvaz Yinzminz Gunghozgoz laeb- baenz 70 hopbi fwen haenh dangj haenh guekcoj”. Aen cin neix gag bien gag yienj doiq fwen, gyoengqde yungh fwen danqhaenh guekcoj danqhaenh dangj, yungh gij yaem’wenq ceiq caensaed neix ciengqgok ganbu vunzlai gihcwngz danqhaenh aen guekcoj hungmbwk.

(Banh Cigyangz)

●Mboengqneix, Sihlinz Yen Giswngh Hezvei cujciz haiguh le baenzdauq senhconz fugsaeh hozdung, gungh soengq doxgaiq camnai caeuq cienz camnai bae hawj 30 ranz ranzgungzhoj, vih vunzlai genjcaz ndangdaej mbouj aeu cienz 485 vunzbaez, ciepsouh camcaz ndangcangq 293 vunzbaez, fat swhliu senhconz 1000 lai faenh.

(Cinz Yizfungh)

●Geij bi neix daeuj, Yungzanh Yen baengh gij vunqsik “gunghswh+dieg- goek+gohyenz danvih+hozcozse+nungzhoh” haenq- rengz hwngfat ndaem go- cinghhauh. Aen giyenz gya- goeng daezlienh cinghhauhsu aeu cehfaen hawj nungzhoh mbouj aeu cienz, caemhcaiq caeuq nungzhoh ciemdingh habdoengz baujdaej soucawx, ndaem gocinghhauh cugyamq baenz gij canjnieb boux- guhnaz diegbya vut gungz baenz miz.

(Cangh Ailinz)

●Bineix ndwen 9 dox- daeuj, Vanzgyangh Mauz- nanzcuz Swciyen makbug ndaw nding daengz seiz baenz lo, seizneix cingq laebdaeb hwnj haw gai. Makbug ndaw nding aen yienh neix noh unq raemx lai, soemj van hab- ngamj, yingzyangj lai, miz lai loh veihlieng yenzsu ndang vunz aeuyungh haenx, ndaej bouxcawx haengjgyaez. Ciuq gyoepsuenq, bineix Vanz- gyangh daengx yienh najdieg makbug ndaw nding daengz 6.2 fanh moux, dawzmak najdieg ca mbouj geijlai 2 fanh moux, gujsuenq gai ndaej ik lai maenz.

(Mungz Hungzgyauz)