Ndwen 10 ngoenz 1 banhaet, youq mwh daengx guek beksingq angqhoh Cungguek moq laebbaenz 70 hopbi, Ginhcouh Si Ginhbwz Gih Gveidaiz Cin Bazcaigouh Gingjgih miz gyoengq fazgvanh nyaengq dangqmaz ndeu. Gyoengq gangingj aen fazdingz cunz- dauq Vahcuengh caeuq aen fazdingz cunzdauq lijyouz Ginhbwz Gih Fazyen bae daengz Bazcaigouh Gingjgih, gunghawj camcaz faplwd hawj bouxhek daeuj Bazcaigouh guhcaemz haenx, yungh saedsaeh hengzdoengh doengz- caez vih Cungguek moq laebbaenz 70 hopbi soengqlaex.

Aen fazdingz cunzdauq Vah- cuengh Ginhbwz Gih Fazyen yungh seizndei daengx guek angqhoh Cung- guek moq laebbaenz 70 hopbi, youq Bazcaigouh Gingjgih laeb dieg senh- conz fazci Cuengh Gun song vah, fat swhliu bujfaz, caemhcaiq dangciengz gejdap gij vwndiz bouxhek cam haenx, doengzseiz yungh Cuengh Gun song vah gangj mizgven lijyouz cawx doxgaiq、baujhoh gij gienzik bouxsiufeiq daengj faplwd cihsiz hawj bouxhek, hozdung yienhciengz lij fat ceksaw iq senhconz dwk cawz bangvunz simnduk、fap baujhoh lwgnyez、fap gimqdoeg daengj 500 lai faenh hawj bouxhek dem.

Bouxhek gvaq baedauq cungj dingz din roengzdaeuj roxyiuj cingz- gvang, caemhcaiq haenh gyoengq fazgvanh senhconz fazci.

Geij bi neix daeuj, aen fazdingz cunzdauq Vahcuengh caeuq aen fazdingz cunzdauq lijyouz Ginhbwz Gih Fazyen youq mwh ngoenzciet moix bi caeuq ngoenzciet Bouxcuengh dangdieg cungj haiguh mizgven hozdung senh- conz fazci, hawj gij ligdoh cienzdoh faplwd cwgoemq daengz gak dieg. Doengzseiz lij haiguh cunzdauq banh- anq、lienzhab diuzgaij daengj hozdung dem, aeu haujlai ngaekngeu youq gihcwngz gaijgez, aeundaej cingzcik yienhda. (Liz Lifungh)