Ndit bienq ndat lo. Rumz goj deng nditndat dak ndaej raeujrubrub bae, singfwen duz- bid goj deng dak ndaej raeuj- rubrub bae——Seizlawz duz- bid guhfwen hwnjdaeuj lune?

Faexraeu maj ok haujlai haujlai mbawfaex gyaemq- hoengz gyaemqhoengz.

Gaeulwggva goj ok ndok- vahenj baenz duj baenz duj hunghung bae.

Song go haeuxdaeq gou ndaem youq ndaw gyanggumh de, maj ok mbaw daihhaj lo. Naed ngveihlwgnganx ndaem- ndongq gou ndaem de, ngoenz- neix, de goj did nyod ok gwnznamh daeuj lo.

Hoeng, naed duhbap gou ndaem doekgonq de, guhlawz lij caengz maj okdaeuj ne? Gou muengh de maj okdaeuj rouz di raixcaix. Daengzcog baenz duhbap le, mbouj hoj cawj cug goj gwn ndaej go. Gou mbaet cungj duh neix hawj daxmeh, daxmeh angqfaengfaeng! De haengjdingh haenh gou——Gvai gvaq beixmbauq. Aenvih, gou ndaem baenz le cungj duhbap mbouj hoj cawj cug cix gwn ndaej neix.

（Daj《Bonjsei Sim Lwg- nyez》（Veiz Gizlinz raiz）senj okdaeuj, Lwgfwngzmeh/卢奋长 hoiz）