Ndwen 8 ngoenz 30, aen canjlanj doxgaiq ndeiyawj canghdinfwngz caeuq doxgaiq gunghyi lijyouz Gvangjsih gunghyi meijsuz cozbinj 2019 youq Namzningz Gozci Veicanj Cungsim haidaiz, hozdung guh 4 ngoenz. Gaiq canjlanj neix baijok doxgaiq daih’iek 2 fanh gaiq, langhbaij le canghdinfwngz gak dieg Gvangjsih guhsiuq、deu ragfaex、deu nyawh、dajsan daengj dinfwngz conzdungj ndei, langhbaij gij cingzcik cauhmoq cauhguh doxgaiq miz dinfwngz bi neix daeuj, yinx ndaej haujlai vunz bae yawjngonz. Ndaw doz dwg beixnuengx Bouxcuengh langhbaij buhvaq.

(Yiz Sienghcenz/喻湘泉)