●Ndwen 8 ngoenz 29, Denzlinz Yen Nungzyez Nungzcunhgiz fat gaeqlwg hawj ranzgungzhoj mbanj- gungzhoj bae gapdoih banggungz haenx, bang- rengz hwngfat vut gungz gunggeng. Ciuq gyoep- suenq, baez neix fat gaeqlwg 4690 duz, dij cienz 11.8 fanh maenz, miz 153 ranz ranzgungzhoj ndaej souh’ik.

(Fangh Cinswngh)

●Geij bi neix daeuj, Denhdwngj Yen Cingez Cin gaemdawz seizndei, cingj- hab swhyenz, yungh dieg- namh louz ndwi, haenq- rengz dajcauh aen cehgenh banggungz ndaw mbanj, doenggvaq “byaij okbae”caeuq “cingj haeujdaeuj” fuengsik dox giethab, gyavaiq doicaenh hangh- moeg doek dieg. Seizneix aen cin neix laebbaenz 4 aen cehgenh banggungz, gunghawj 500 lai aen couhnieb gangjvei hawj vunzlai gungzhoj, vunzhong ndwen souhaeuj 2000-3500 maenz.

(Bangz Veidingz)

●Geij bi neix daeuj, Sihlinz Yenveij、Yen Cwngfuj gig yawjnaek, aeu gij canjnieb youzcaz dangguh loh cwngci yinvu youqgaenj ndeu, aeu gij canjnieb youzcaz dangguh cinjcing banggungz caeuq gij canjnieb hawj vunz- guhnaz baenz miz bienq ak daeuj guh. Daengz seizneix, daengx yienh suen youzcaz najdieg daengz 10.92 fanh moux, ndawde dawzmak najdieg 5.2 fanh moux.

(Vangz Yenginz)

●Ndwen 8 ngoenz 28, Lingzyinz Yen Swcwngz Cin Ginhbauj Cunh Mbanj- giujgungj nauhyied dangq- maz, vunzlai Yauzcuz doxcomz youq giz haenx, caez bae yawj yienjheiq. Mwh yienjheiq, bouxyienj doenggvaq vaiqbanj 《Cinj- cing Banggungz Buet Siuj- gangh》、 Fwenyauz 《Aeu Soengq Lwg Bae Doeg- saw》、 diuqfoux 《Mbanj- yauz Gyaeu》 daengj, cez- muz ndeiyawj raixcaix, hawj vunz dawzyinx.

(Veiz Fucwngh)