Ndwen 8 ngoenz 21 daengz ngoenz 23, Cungzcoj Si Cunggaep Yinzminz Fazyen、Cungzcoj Si Minzcunghveij doiq Fuzsuih、Denhdwngj、Dasinh、Ningz- mingz、Lungzcouh、Gyanghcouh daengj 6 boux yenzngwz fazgvanh fazyen、bouxvunz bang dawzfap gauj gij naengzlig yungh Vahcuengh, linghvaih, senj ngoenz bae gauj yenzngwz fazgvanh Bingzsiengz Fazyen、bouxvunz bang dawzfap gij naengzlig yungh Vah- cuengh. Baez neix daengx si gungh miz 79 boux yenzngwz fazgvanh caeuq bouxvunz bang dawzfap caeuqfaenh gauj gij naengzlig yungh Vahcuengh hong bingzdingh fazgvanh Cuengh Gun song vah. Hong gauj gij naengzlig yungh Vahcuengh yaek vih doicaenh aen si neix fazyen bingzdingh fazgvanh Cuengh Gun song vah、damqra hwnjguh aen cidu gauj、nyinhdingh ganbu minz Gun song vah dwk roengz giekdaej ndei.

Haiguh hong bingzdingh fazgvanh Cuengh Gun song vah muzdiz dwg gvancez doeksaed Ceiq Sang Yinzminz Fazyen、Guekgya Minzcuz Swvu Veij- yenzvei 《Gij Yigen Mizgven Caenh- itbouh Gyagiengz Caeuq Gaijndei Hong Son’gyauq Fazgvanh Minz Gun Song Vah Dieg Minzcuz》、Ceiq Sang Yinz- minz Fazyen 《Gij Banhfap Bingzdingh Fazgvanh Minz Gun Song Vah Dieg Minzcuz Vunznoix》《Aen Diuzlaeh Hong Saw Vah Minzcuz Vunznoix Gvangjsih Bouxcuengh Swcigih》 miz- gven gvidingh caeuq gij cingsaenz “Aenhoih Doicaenh Hong Bingzdingh Fazgvanh Cuengh Gun Song Vah Daengx Gih” Swcigih Ceiq Sang Yinz- minz Fazyen、Swcigih Minzcunghveij bineix ndwen 4 hai haenx. Ndwen 7, Cungzcoj Si Cunggaep Yinzminz Fazyen、Cungzcoj Si Minzcunghveij yaenqfat le gij dunghcih 《Fueng’anq Hong Bingzdingh Fazgvanh Cuengh Gun Song Vah Daengx Si Bi 2019》, ndawde hong gauj gij naengzlig yungh Vahcuengh couhdwg Cungzcoj bingz- dingh fazgvanh Cuengh Gun song vah yamq youqgaenj ndeu.

Gauj gij naengzlig yungh Vah- cuengh dwg dangqnaj gauj. Youz Swcigih Ceiq Sang Yinzminz Fazyen caeuq Swcigih Minzcunghveij dingh gaujsi biucinj caeuq iugouz, yungh Sawgun okdaez、guh mbawgienj, laeb- guh aen cang daezmoeg gauj gij naengzlig yungh Vahcuengh bingzdingh fazgvanh Cuengh Gun song vah bineix. Mwh gauj, moix aen gaujcangz gung- hawj 5 dauq daezmoeg hawj bouxvunz gaujsi gipgaeu aeu dauq ndeu gauj, bouxvunz gaujsi ciuq daezmoeg iugouz baenz daez baenz daez dap. Mbawgienj gauj gij naengzlig yungh Vahcuengh muenxfaen dwg 100 faen, gaujsi neiyungz miz sam bouhfaenh, bouhfaenh daih’it nyinhdoeg sawloih 40 faen(40 aen sawloih, aen faen); bouhfaenh daih- ngeih gangjdoeg coenzvah 30 faen(6 coenz vah, coenz 5 faen); bouhfaenh daihsam daezlwnhgangj 30 faen(aen ndeu). Seizgan gauj gungh 15 faen cung, ndawde, 5 faen cung yawj daezmoeg, 10 faen cung dap daez.(Dwng Haijcouh)