Fwn gvaq mbwn gvengq, gou bae gyanghongh guhcaemz.

Sawqmwh, gou yawjraen miz duz saehaexma ndeu menhmenh daj gokciengz raih gvaqdaeuj. Gou ngaem ndang roengz, nyinhnyinh caencaen cimyawj de. Saehaexma raih ndaej menhnyednyed, de ndang aemq aen byuk ndeu, dingjgyaeuj daengj miz song gaiq mumhgaeu, laj mumhgaeu dwg doiq lwgda iqet de, baihlaeng lij miz diuz rieng dinjdet dem. Gou aeu fwngz lejlej bae bungq de, de lumj bungzdaengz vunzdig nei, sikhaek suk mumhgaeu, suk ndang haeuj ndaw byuk bae, yienghneix daeuj baujhoh swhgeij. Gou ganjgip aeu aen boi ndeu daeuj, siujsim yupyup dawz duz saehaexma cuengq haeuj gyangboi bae, caemhcaiq cuengq roengz di mbawbyaek hawj de gwn. Ngoenz daihngeih haetromh, gou hwnqdaeuj baez yawj, gij mbawbyaek cungj deng duz saehaexma gwn liux lo.

Duz saehaexma dwggyaez raixcaix ha.

（Siz Gyahgaij raiz Ouh Caijfangh hoiz）