Gou deng duzrwi ndat le, fajnaj foeg baenz gyaeujmou bae, lwgda cungj bienq iq lo, ninz nanznanz cij ninz ndaej ndaek bw.”

“Duzrwi! Boh ha, duzrwi daeuj moq lo!” Gou fangzhwnz deng doeksaet ndiu- singj.

“Ninz ha, gyanghwnz duzrwi mbouj okdaeuj.”

“Gou lau duzrwi! Aiyo, in lai lo. Boh ha, gou in lai!” Gou in lai youh daej moq lo.

“Gaej daej lai, boh lwnh aen gojgaeq ndeu hawj mwngz dingq, baenz lwi?”

Gou gyaez dingq gojgaeq, yiengh- neix couh mbouj daej lo.

“Lwnh aen gojgaeq duzrwi bw. mbouj luenh ndat vunz ne.”

“Nyaenx de vihmaz ndat gou ne?”

“De laihnaeuz mwngz yaek gyongz aenrongz de. Mwngz dwg mbouj dwg aeu ngafaex fad duzdaek ne?”

“Gou cungj yawj mbouj raen rongz- duzrwi ne.”

“Wgo! Baezneix dwg duzrwi gauj loeng lo.”Boh laebdaeb naeuz dem, “Duzrwi deng dwk cij ndat vunz, gyoengqde yaek hendawz ndei aenrongz gyoengqde, hendawz ndei dangzrwi. De yienghneix guh dwg vih gyoengq doengzdoih de.”

“Nyaenx hix dwg vih swhgeij lwi?”

“Nauq bw, duzrwi ndat vunz de mbouj vih swhgeij ne. Duzrwi ndat vunz le, couh deng dai bae. De miz saenj laez ndeu ndwi, de aeu laez hoh ndang, baez ndat vunz le, saenj laez de couh mbouj miz lo. Duzrwi mbouj miz laez le, couh deng dai bae. Hoeng, mbouj miz saek duz lau dai bw.”

“Duzrwi mbeidaeuz raixcaix! Ngoenzneix duzrwi ndat gou haenx, hix deng dai bae ma?”

“Wgo! Dai go!”

“Doeknaiq lai! Ai, cungj gvaiq gou.” Yienghneix gou couh mbouj lau duzrwi saek di lo.

“Fajnaj mwngz lij in lwi?”

“Mbouj in baenzlai lo……”Gou vubvubvebveb gag naeuz, gvaq yaep ndeu couh ninz ndaek lo.

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwg- fwngzmeh/卢奋长 hoiz）

Duzrwi