Ndwen 7 ngoenz 10, “yiengj- souh gauhdez youz song dieg·yawjngonz gij yinh vwnzva feihyiz” Namzningz Doeng-Yanghgangj Giujlungz dungceh hai baez nduj caeuq aen yizsi hainduj hozdung doigvangq lezceh cawjdaez Gvangj- sih feihvuzciz vwnzva yizcanj youq camh dungceh Namzningz Doeng Gvangjsih banh, caemhcaiq youq aen lezceh hai baez nduj neix hai miz Sanhgyangh、Yungzsuij、Hingh’anh、Bahmaj daengj 8 aen cawjdaez siengci, langhbaij gofoux、gyonglaz gimz yienz、gijgwn ndei Gvangjsih daengj vwnzva feihyiz lai yiengh caeuq huq banggungz yenz- swnghdai hawj beixnuengx Gvangj- sih Yanghgangj song dieg yawj. Ciuq cam rox, Namzningz caeuq Yanghgangj ngoenznaengz hai dungceh dox baedauq baez ndeu, cenzcwngz hai 3 diemj cung 59 faen, henz roen ginggvaq Vuzcouh Namz、Fuzsanh Sae、Gvangjcouh Namz daengj camh. Ndaw doz dwg bouxhek guek rog caeuq beix- nuengx minzcuz vunznoix hab’ingj.

(Gungh Bujgangh/龚普康)