●Mboengqneix, Lungz- linz Gak Cuz Swciyen cujciz lauxhangz bae mbanj son- gyauq dinfwngz guenjleix suen gonengznuengx, doeng- gvaq fat swhliu fuengz bingh nonhaih、dangciengz guh- yiengh gangjgej, daezsang gij suijbingz dinfwngz ndaem gonengznuengx ciengx nonsei vunzlai, baujmaenh ranz ndaem gonengznuengx ciengx nonsei laisou baenz miz.

(Liengz Saugvangh)

●Geij bi neix daeuj, Lozcwngz Mulaujcuz Swciyen aeu makit dangguh hangh canjnieb banggungz ndeu daeuj guh, seizneix daengx yienh ndaem makit najdieg daengz 8 fanh moux, mbouj- dan ndaej ceihleix bienq dieg rinsa, youh gyalai vunzguhnaz souhaeuj. Seizneix, cingq dwg seiz youqgaenj makit baenz, vunzguhnaz aen yienh neix mbouj nguh seizhong, cagaenj guh ndei hong guenjleix mak baenz, ceng’aeu mak sou ndaej lai, gyalai souhaeuj.

(Veiz Yuzdai)

●Geij bi neix daeuj, Denhngoz Yen laebdin dien- heiq、diegnamh daegbied daengj swyenz diuzgen bonj yienh, ndaem makmaenj、makdauz、makbug ndaw nding daengj mak, hawj vunzlai ndaej laisou. Daengz seizneix, aen yienh neix ndaem mak najdieg daengz 18.1 fanh moux, ndawde miz 7.8 fanh moux gaenq baenz mak.

(Denz Siyenj)

●Youq mwh vut gungz gunggeng, Sanhgyangh Dung- cuz Swciyen Fuluz Myauzcuz Yangh daj gij saedsaeh bonj dieg haidin, gujli ranz- gungzhoj guh dajsiuq Myauz- cuz, youq ranz guh “aen cehgenh iq” dajsiuq. Ciuq cam rox, huq dajsiuq gai bae daengz Gveihcouh Lizbingz Yen Dibingz Cin、Gvangjsih Yungzsuij Myauzcuz Swciyen Danenz Yangh daengj dieg henzgyawj, binaengz ndaej hawj ranzgungzhoj laisou 1.2 fanh maenz.

(Gunj Yicungh)