Mboengqneix, Dwzbauh Yen cuj- ciz aen doih Heiqcuengh honghoengq aen yienh bonjfaenh bae Mbanjyauz Lungzsangh Cin Gojfuj Cunh aen yienh neix banh aen hozdung senh- conz vut gungz gunggeng caeuq bae mbanj cunz yienjheiq “vwnzva haeuj fanh ranz”, neix dwg Heiqcuengh aen yienh neix baez nduj bae Mbanjyauz yienj.

“Nanz raen miz doih heiq daengz ndaw mbanj yienj, senhconz cwngcwz ndei dangj, gyoengq beixnuengx Yauz- cuz dou caeuq beixnuengx Bouxcuengh doxlumj, engq miz doenghlig vut gungz baenz miz, engq miz saenqsim buet coh siujgangh.”

Ciuq cam rox, baez yienjok neix yungh vut gungz gunggeng guh cujyau neiyungz, yungh gangj ciengq、vaiqbanj、siujbinj、Heiqcuengh daengj hingzsik vunzlai haengj dingq gyaez yawj haenx yienjok, haenqrengz senh- conz cwngcwz vut gungz gunggeng, fatyiengz gij cingsaenz vut gungz, gujli vunzlai caenh’itbouh cuengqlangh ngeixnaemj, mbouj deq mbouj baengh, gag ok rengz guh, haenqrengz buek- guh, ceng’aeu vaiqdi ndaej vut gungz baenz miz. Doengzseiz, baez neix Heiqcuengh bae Mbanjyauz yienj, rengzrwd doicaenh vwnzva Boux- cuengh caeuq vwnzva Yauzcuz doxyungz hwngfat, coicaenh minzcuz doxgiet huzndei.

(Cinz Siubeih Yangz Cigoz)