Ngoenz neix dwg ngoenz mbwn gvengq ndit rongh, dou daengx ranz bae ranz goengda vat ngaeux.

Dou daeuj daengz aen daemzngaeux ndeu. Ndaw daemzngaeux de mbawngaeux deihdaendaen nei, rumz baez ci gvaq, mbawngaeux couh lumj haujlai dahsauoiq mbaeumbiengq diuqfoux, gyaeundei dangq- maz bw!

Gou caeuq dahcej vid genbuh caeuq gavaq hwnj, caj mbouj ndaej couh roengz ndaw daemz bae lo. Va, naez ndaw daemzngaeux unq dahraix! Gou caeuq dahcej couh lumj caij haeuj ndaw sagwnzmbwn nei. Gou caeuq dahcej iet fwngz haeuj ndaw naez bae, hainduj vat ngaeux. Dahcej dwg bouxsughangz, yaep ndeu couh vat ndaej le lwgngaeux youh raez youh hung, neix gou hozhaenz dangqmaz. Dahcej lwnh gou, aeu riengz go’ngaeux bae ra. Gou ciuq fap dahcej bae vat, hix vat ndaej roix“binghdangz huzluz”hunghung ndeu dahraix. Yawj doenghgij lwgngaeux youh lwenq youh hung neix, mboengq dam mboengq doxrangh, gou angqvauvau lo.

Dauq daengz ranz le, dou swiq seuq lwgngaeux, cawj cug liux gwn. Cimzgwn lwgngaeux gou vat ndaej haenx, gou nyinhnaeuz neix dwg gijgwn lajmbwn baenzgwn!

(Ciz Gyahvwnz)