Boh ha, langhnaeuz gou dwg go faexgelwg ndeu, mwngz hix dawz gou ndaem coq ndaw aen bat mbouj miz namh dan miz song ndaek rin ndwi, dwg lwi? Ngoenzngoenz hawj gou gwn di raemx ndeu ndwi, mbouj hawj gou majhung, caemh mbouj hawj gou dai bae, hawj gou cungj daemqdetdet, iqetet, guhlumj baeuqgeq iqet ndeu, dwg lwi?

Langhnaeuz baenz yienghneix, gou dangguh mbouj miz mwngz boux boh baenzneix lo.

Boh ha, langhnaeuz gou dwg gonunh, boh hix ciengzseiz gaem faggeuz raed ngafaex gou bae, dwg lwi? Lumj raed song coij gonunh bakdou de nei, raed ndaej bingzbingzcingjcingj bae, mbouj hawj gou caih iet ngafaex, mbouj hawj gou maj baenz gofaex, dwg lwi?

Langhnaeuz baenz yienghneix, gou couh mbouj gyaez aeu mwngz boux boh baenzneix lo.

（Daj《Bonjsei Sim Lwgnyez》（Veiz Gizlinz raiz）senj okdaeuj, Luz Fwncangz hoiz）