Bouxlawz naeuz go faex neix dai gvaq ne? Beixmbauq ha.

Mbangjbaez, de deng rumz ci laemx le, ninz youq dinbya ndaej nanznanz lo.

Yienznaeuz, ngafaex de ndoqndatndat gvaq, saek mbaw faexreuq goj mbouj miz lo;

Hoeng, de caengz dai nauq.

Langhnaeuz de dai gvaq, guhlawz baenz raet- naeng lai baenzneix ne?

De caengz dai nauq, de miz rwz lai baenzneix, dwg ciengzseiz dingq——

Mbawfaex ndaw ndoengfaex buenx rumz guhfwen heuswdswd,

Nditndat ronghsag youq ndaw ndoengfaex youz- byaij guhfwen henjrwkrwk,

Garij raemx lae guhfwen sawdikdik,

Ndokva rim doengh guhfwen lumj miz saek lai mbinmbangq,

Duzmbaj aj fwed guhfwen angqvauvau,

Duzrwi baebae mama guhfwen nyaengqnyat- nyat……

（Daj《Bonjsei Sim Lwgnyez》（Veiz Gizlinz raiz）senj okdaeuj, Luz Fwncangz hoiz）