Ndwen 2 ngoenz 28, bouxhek youq Liujcouh Si Yungzanh Yen Dunghgij Yangh Yazgyoz Cunh Mbanjdungzbanj yawjngonz vamaenj. Mboengq- neix, Liujcouh Si dienheiq bienq raeuj, Yungzanh Yen Dunghgij Yangh Yazgyoz Cunh Mbanj- dungzbanj vamaenj、vayouzcaiq、vadauz daengj hainduj hai lo, vamaenj hausag、vayouzcaiq henjrwd、vadauz hoengzfwd doxdaengh, guh baenz fuk veh lajmbanj gyaeundei, yinx ndaej haujlai bouxhek daeuj yawjngonz、ingjsiengq caeuq guhcaemz.

Mbanjdungzbanj dwg “aenmbanj byak- byaeuq” dangjdieg mizmingz gvaq. Geij bi neix daeuj, youq mwh guhhong vut gungz gunggeng, dangdieg dangjveij、cwngfuj sonyinx vunzlai mbanj gungzhoj byaij diuzroen lijyouz banggungz, doenggvaq gaijndei giekdaej sezsih aenmbanj、hwnqguh diuzroen lijyouz、diengzhaex daengj lijyouz sezsih, daiq vunzlai hwngfat swnghdai lijyouz, hwngfat “nungzgyahloz”, ndaem gai gij doxgaiq reihnaz daegbied gagmiz, hawj vunzlai gungzhoj gyalai souhaeuj baenz miz.

(Cinz Ginghoz/覃庆和)