“Gij laeuj Mbanjyauz van lumj dangz, aeu laeuj dang caz hawj bouxhek, fwngz gaem duix laeuj mbouj doxgek, laeuj gwn caengz liux mbouj biek bae.” Ndwen 2 ngoenz 28, youq Ginhsiu Yauzcuz Swciyen Fwncan Youzmenz Sanhcangh gij fwen gingq laeuj ndeidingq neix yinx ndaej bouxhek mbouj haengj sanq bae.

Ciuq cam rox, mboengq ndwencieng doenghgij dieg biujyienj minzsuz neix moix ngoenz cungj miz hek. “Gijgwn+biujyienj Yauzcuz fungcingz” ndaej hawj bouxhek habhoz doengzseiz hix hawj vunz- mbanj henzgyawj caeuqfaenh biuj- yienj hozdung haenx ndaej gyalai souhaeuj, vih Ginhsiu hwnqguh aenmbanj daegsaek lijyouz, doidoengh vunz Yauzcuz ciuq dieg bae guh, hwngfat “mbanj ndeu yiengh ndeu”“ranz ndeu loh dinfwngz ndeu” daiqdaeuz ndei.

Ginhsiu ndaw gyaiq cawz gij lijyouz swhyenz gingjsaek gyaeundei、dienheiq hab vunz youq、doenghduz doenghgo dijbauj lai le, langhbaij Yauzcuz minzsuz fungcingz hix dwg gij gingjsaek bouxhek gig gyaezmaij, Ginhsiu youq guh “swyenz swnghdai”“vwnzva Yauzcuz”“gyaeu nanz ciengxndang” le, hawj bouxhek daeuj Ginhsiu benz bya、youzraemx le, lij hawj gyoengq bouxhek ndaej daej- niemh、yawjngonz Yauzcuz fungcingz.

(Bangz Yaujvaz/庞晓华)