Mboengqneix, Denzyangz Yen Singzgeq Denzcouh youq Yezlieng- hoz Gai Youhhenz baij ok dieg danz ciengq dingzdingj, hawj bouxhek daeuj youz gingjgih haenx, youq Yezlienghoz Gai Youhhenz yawjngonz ndaej daengz danz ciengq dingzdingj gig miz cienzdoengj minzsuz daegsaek neix, hot dem hot go dingzdingj doq danz doq ciengq haenx, dahsau Mbanjcuengh caez daenj buhvaq minzcuz saekndaem haenx, hawj gyoengq bouxhek daeuj youz aen singz neix, bouxboux cungj maez liux, caemhcaiq yaengx lwgfwngz haenh.

Geij bi neix daeuj, Denzyangz Singzgeq Denzcouh yungh vwnzva Bouxcuengh guh gyangsim, haenqrengz dajcauh diuzlienh canjnieb lijyouz, mboujdan hawj gij lijyouz aeuyungh gyoengq bouxhek ngoenz lai gvaq ngoenz neix ndaej habhoz, youh coicaenh lijyouz ginghci hwngfat caeuq hawsingz hoenghvuengh, ndaej gyoengqvunz haenh.

(Vangz Gozsun/黄国顺)