Ndwen 2 ngoenz 19 dwg “hawxsij” ngeihcib seiq aen cietheiq, Liujcouh Si Yungzsuij Myauzcuz Swciyen Anhdai Yangh Gyanghcuz Cunh banh aen yizsi hainduj mbaet cazcin, gyoengq mehmbwk Myauzcuz guhdoih haeuj suencaz bae ciengj mbaet caz “hawxsij” seizcin, dawz gij heiq seizcin doenggvaq lwgfwngz cienz okdaeuj. Gij caz yungh mbawcaz oiq “hawxsij” gonqlaeng geij ngoenz cauj baenz haenx heuhguh caz “hawxsij” seizcin, dwg mbawcaz daengx bi binjcaet ceiq ndei. Ndaw doz dwg geij boux mehmbwk Myauzcuz cingq mbaet caz.

(Lungz Linzci/龙林智)